Con ganas de debuxar suenios
29/04/2008
Yeba una begada dos granotas, que ban caire a un tasón de pinta. Deseguida se’n ban doná que s’enfonsaban; yera imposible nadá u flotá guaire temps perque ixa masa yera espesa coma las arenas mobedisas.Al prensipe las granotas esgalapatiaban en la pintata arribá al canto del tasón, pero yera inútil: no feban més que chapurniá al mismo puesto y flloca-se cada begada mes ta dintro. Se donaban cuenta de que cada begada yera mes difisil salre ta fora y respirá. Una d’ellas ba di: «Ya no’n puesco més. Ye imposiblle salre de así. A iste barducal no s’i puede nadá. Coma boi a morí, no se ta qué yei que sufrí més. No le beigo sentido a morí redenada per un treball estéril». Dito aixó, ba dixá d’esgalapatiá y se ba colá ta dintro mol aprisa, coma si l’espeso líquido bllanco se l’ese tragau. L’altra granota, més tosuda, le ba di: «No yei manerade salre d’así, pero encara que m’ega de morí no penso dixá de lluitá entre que tienga forsas. No quero morí hasta que siga la ora». Ba seguí esgalapatián y chapurnián tota la estona al mismo puesto, sinse bocha-se ni un pelo, oras y oras.Y a la fin de tanto patiá y baté las ancas, la pintase ba fé manteca. La granota ba doná un brinco y esllisan-se ba arribá al canto del tasón. Desde allí ba podé torná brincan y cantán ben contenta ta casa.
--------------------------------------------------
En La Mancheta, p. 17 [per Donisas de Billanoba], Guayente 79.
Licencia:CC Reconocimiento NoComercial SinObraDerivada
Archíus
| Quiers creyar un blog astí?
Puesto desembolicau, feito y chestionau 100% con Software libre: GNU/linux, GIMP, PHP, MYSQL, APACHE, ...
