Una cita, CAZUELAS de Ana Tena Puy IDENTITATS D'UNA ARAGONESA CATALANOPARLANT Blog Aragón GuGara.com

IDENTITATS D'UNA ARAGONESA CATALANOPARLANT

Espai de reflexió d'una dona sortida de l'Aragó i vinguda a parar a Barcelona en temps de transició.

Una cita, CAZUELAS de Ana Tena Puy

28/10/2006

CAZUELAS
Una historia;
quí sabe,
las glarimas l'añudan el galé
cuan truca en la memoria.
Trista historia.
y ñ'hai tantas...
Chobenona,
cuasi de chugar con moñas
comenzar a dar de tetar,
y a cozer-ne de comers
en cazuelas, sartens,
cazuelas.
Llabar, fregotiar,
llabar.
Pllorar.
Ixugar en la ropa
penas.
Y seguir acochán
la'squena y la capeza.
Moraduras en los güellos
y l'alma abatanada.
Batans, sartens,
y cazuelas.
Llabar, fregotiar
llabar.
En las garras roldes royos
como besos de fllameras.
El esmo acribillau,
carraños, chilos,
embezias.
Chilos, sartens y cazuelas.
Llabar, fregotiar,
llabar.
Fuyir,
fuyir ben aprisa,
ben llejos, ben llejos.
Quieta.
El miedo sojeta fuerte.
Miedos, sartens
y cazuelas.
La vida apataquiada,
acotolada, funida.
Un mariu y un destino
(ruins, fozins, ponzoñeros)
el destino y el mariu
s'han achuntau en el medio.
Mariu, sartens,
y cazuelas.
Llabar, fregotiar,
llabar.
Denonzias a la chustizia.
De maltratos a mullers,
pilas de asabelas pilas
están crián tararainas.
Tararainas, sartens,
cazuelas.
Llabar, fregotiar,
llabar.
Plorar muraduras,
ixaguar penas.
Una historia,
trista historia.
Chobenona.
Un mariu desamorau. Tremolins,
garras tremolan.
D'un batán, iste el zaguero,
la muerte la troba muerta.
Las glarimas l'añudan el galé.
Cazuelas, sartens,
cazuelas.
Chobenona.
Una muller.
Y ñ'hai tantas...
Asabelas.